Aqtóbe oblysy ákimi apparaty basshysynyń orynbasary taǵaıyndaldy

ASTANA. KAZINFORM — Áset Ótegenuly Oralbaev Aqtóbe oblysy ákimi apparaty basshysynyń orynbasary laýazymyna taǵaıyndaldy. Bul týraly óńir ákimdiginiń baspasóz qyzmeti málim etti.

Ol 1982 jyly dúnıege kelgen.

Bilimi joǵary: 2004 jyly — L. N. Gýmılev atyndaǵy Eýrazııa ulttyq ýnıversıtetin «Memlekettik basqarý», 2006 jyly — T.Rysqulovatyndaǵy Qazaq ekonomıkalyq ýnıversıtetin «Ekonomıka» mamandyqtary boıynsha bitirgen.

Eńbek jolyn 2004 jyly Qazaqstan Respýblıkasy Prezıdentiniń teleradıokesheniniń menedjeri bolyp bastaǵan.

2005 — 2024 jj. Qazaqstan Respýblıkasynyń arnaıy memlekettik organdarynda; bıznes sýbektileriniń basshylyq laýazymdarynda jumys istegen.

2024 jyldyń qańtar aıynan bastap «Qazaqstan ınjınırıng» ulttyq kompanııasy» aktsıonerlik qoǵamynyń basqarma tóraǵasynyń keńesshisi jáne «S. M. Kırov atyndaǵy Mashına jasaý zaýyty» aktsıonerlik qoǵamynyń dırektorlar keńesiniń tóraǵasy qyzmeterin atqaryp kelgen.  

Eske salsaq, buǵan deıin Aqtóbe oblysy Jer qatynastary basqarmasynyń basshysy aýysqany anyqtaldy.