«Aqtóbe – Nókis» baǵytynda jańa áýe qatynasy ashylady
NUR-SULTAN. QazAqparat - «Aqtóbe – Nókis» baǵyty boıynsha jańa áýe qatynasy ashylady. Bul týraly QR Premer-Mınıstri Asqar Mamınniń Ózbekstan Respýblıkasynyń kólik mınıstri Ilhom Mahkamovpen kezdesýinde aıtyldy, dep habarlaıdy QazAqparat.
Taraptar bıylǵy jyldyń 29 shildesinen bastap aptasyna 2 ret jıilikpen «Aqtóbe – Nókis» baǵyty boıynsha jańa áýe qatynasyn ashýǵa kelisti. Qazirgi ýaqytta Qazaqstan men Ózbekstan arasynda aptasyna 32 reıs oryndalady.
Kezdesýde eki el arasyndaǵy tranzıttik-kólik salasyndaǵy yntymaqtastyqty damytý perspektıvalary, atap aıtqanda, júk tasymalyn ulǵaıtý, temirjol jáne avtomobıl kóligin damytý, birlesken iri ınfraqurylymdyq jobalardy iske asyrý máseleleri talqylandy.
