Aqtóbe mýzeıine jyraý Málik Álmuratovtyń qobyzy tapsyryldy
AQTÓBE. QazAqparat - Aqtóbe qalasynda «Jádiger jerde qalmasyn» aktsııasy aıasynda mýzeıge soǵys ardageri, jyraý Málik Álmuratovtyń qobyzy, eńbek eri Ǵalym Bekishevtiń shapany tapsyryldy, dep habarlaıdy QazAqparat tilshisi.
Aqtóbe qalasyndaǵy Óner mýzeıinde «Jádiger jerde qalmasyn» aktsııasy kezinde tapsyrylǵan járigerlen kórmege qoıyldy. Jyl boıy úzdiksiz jádiger qabyldaıtyn mýzeıde qazir 100 myńnan astam eksponat bar. Onyń 80 paıyzdan astamy jınaqtalǵan, arnaıy tapsyrylǵan. Ata-babadan muraǵa qalǵan turmystyq zattar, kıimder, ulttyq buıymdar men aspaptar bar. Búgin eksponattar kópshilik nazaryna usynyldy. 
«Jádigerlerdi qabyldaý jyl boıy júredi. Bul joly «Vozrojdenıe» nemis qaýymdastyǵynyń tóraıymy Inga Smolınets óńirdi mekendegen nemis ultynyń 1940-1960 jyldary turmysta paıdalanǵan zattaryn tapsyrdy. Olardyń ishinde maı shaıqaıtyn qural, mandolına aspaby bar. Al oblys turǵyny Janat Shonaeva enesi kıgen túlki ishikti berdi. Іshik 20-ǵa jýyq túlki terisinen tigilgen eken. Biz úshin bul da qundy jádiger. Sotsıalıstik eńbek eri Ǵalym Bekishev kıgen shapandy urpaqtary amanattady. Raýl Mır-Haıdarovtyń kollektsııasyndaǵy birneshe sýret mýzeıge berildi»,- dedi mýzeıdiń ǵylymı qyzmetkeri Jańylǵan Danabaeva.
Mýzeıge urpaqtary tapsyrǵan Temirbek Júrgenovtyń portreti de berildi. Bir ereksheligi, portret kúrishten jasalǵan. Sonymen qatar, Aqtóbe oblysy, Yrǵyz aýdanynyń turǵyny, soǵys ardageri, qobyzshy, dombyrashy jyraý Málik Álmuratov qoldanǵan qobyzdy qyzy Sulýshash Maqashova syıǵa tapsyrdy.
«Geologııa-mıneralogııa ǵylymdarynyń doktory, professor Ivan Dalıannyń qujattary, kúndeligi tapsyryldy. Ol Aqtóbe oblysyndaǵy munaı jáne sý qoryn alǵash tapqan adamnyń biri. Ózi birneshe ken orynnyń ashylýyna da qatysyp, arnaıy kúndelik júrgizip otyrǵan»,- dedi Jańylǵan Danabaeva.
