Aqtóbe meshiti «Alla» degen jazýy bar araq qaqpaqtaryn jınaýda
ASTANA. 17 mamyr. QazAqparat - Aqtóbe oblystyq «Nurǵasyr» meshiti ádettegiden aıryqsha aktsııa bastady. Meshit ókilderi qala turǵyndarynan bir aı buryn el arasynda dúmpý týǵyzǵan «Alla» degen jazýy bar araqtyń qaqpaqtaryn ótkizýdi ótindi.
«Eýrazııa» birinshi arnasyna aktsııanyń mánin túsindire kele, Aqtóbe oblysynyń bas ımamy Á. Dáýrenbekov qaqpaqtardyń meshitte tegin qabyldanatynyn jetkizdi.
BAQ betterinde budan buryn habarlanǵandaı , bıyl sáýir aıynyń basynda Semeı turǵyny ishimdik bótelkesinen «Alla» degen jazýdy baıqaǵan. Semeı ımamdary da arab qarpimen Alla Taǵalanyń aty jazylǵanyn rastaǵan. Keıin anyqtalǵandaı, «Alla» degen zattańbasy bar araqty aqtóbelik «Geom» kompanııasy shyǵarypty. Budan soń kompanııa elimizdiń Bas múftıi Ábsattar Derbisáli men Qazaqstan musylmandarynan resmı túrde keshirim surady jáne zattańbanyń dızaınyn seriktes uıymdardyń biri daıyndaǵanyn málimdedi. Ádepkide kompanııada ishimdikti ulttyq stılde shyǵarmaq bolǵan eken.
Eýrazııa birinshi arnasy
