Aqtóbe men Yrǵyzdyń arasynda júk kóligi men avtobýs júrýine shekteý qoıyldy

AQTÓBE. QazAqparat - Aýa raıyna baılanysty «Samara-Shymkent» avtojolynda shekteý engizildi, dep habarlaıdy QazAqparat.

«QazAvtoJol» ulttyq kompanııasy taratqan málimetke sensek, búgin, 23 qarasha astana ýaqytymen keshki 19.00-den bastap respýblıkalyq mańyzy bar «Samara-Shymkent» tasjolynyń 776-1153 shaqyrym aralyǵynda júk jáne qoǵamdyq kóliktiń qozǵalysyna tyıym salyndy.

Bul - «Aqtóbe - Hromtaý - Qarabutaq - Yrǵyz» ýchaskesi.

Joldy jabýǵa aýa raıynyń kúrt nasharlaýy, jańbyr men kóktaıǵaq sebep boldy.