«Aqtóbe» men «Oqjetpes» teń tústi

Fýtboldan premer-lıga komandalary arasyndaǵy el birinshiliginiń 25-týrynda «Aqtóbe» men «Oqjetpes» teń tústi, dep habarlaıdy Kazinform. 

«Oqjetpes» bıylǵy maýsymdy sátsiz ótkizip keledi. Nátıjesinde olarǵa áli de birinshi lıgaǵa túsip qalý qaýpi týyndap tur.

Al «Aqtóbe» byltyrǵy jetistigin qaıtalaýǵa tyrysyp otyr. Qazir týrnır kestesinde úshinshi orynda keledi. Ekinshi oryn alýǵa múmkindigi áli de bar.

Kezdesý barysynda 45-mınýtta «Oqjetpes» shabýylshyysy Jasulan Moldaqaraev mergendik tanytsa, 56-mınýtta aqtóbelik klýbtan Shına tarazy basyn teńestirdi.

Komandalar 1:1 esebine qanaǵat bildirdi.

Endi elorda ýaqytymen saǵat 17.00-de «Qaısar» men «Atyraý» jasyl alańǵa shyǵady.

Al 19.00-de «Ordabasy» men «Shahter» kezdesýi bastalady. Bul oıynda shymkenttik klýb kem degende teń tússe, bir týr buryn chempıon atanady.

Sondaı-aq 21 qazanda «Maqtaral» «Qyzyljardan» 2:1, «Qaırat» «Aqsýdan» 4:1 esebimen basym tússe, «Tobyl» men «Kaspıı» 1:1 esebimen teń tústi.