«Aqtóbe» men «Neftchı» fýtbol komandalarynyń kezdesýi 2:3 esebimen aıaqtaldy
ALMATY. 22 qańtar. QazAqparat - Búgin «Aqtóbe» fýtbol klýby Túrkııanyń Antalııa qalasyndaǵy oqý-jattyǵý jıynyn aıaqtady.
Keshe olar sońǵy sparrıngtik kezdesýde Ázirbaıjannyń Baký qalasynyń «Neftchı» komandasyna 2:3 esebimen utylǵan bolatyn. Onda aqtóbelikter sapynan synaqta júrgen qosalqy quramnyń oıynshylary Evgenıı Dıadenko men Aleksandr Volf kózge tústi.
Jalpy, 7 qańtar kúni bastalǵan bul jıynda olar 10 qańtar kúni alǵashqy sparrıngte Túrkııanyń Birinshi lıgasynda 2-shi orynda kele jatqan «Kaıserı Ersıesspor» komandasyna 2:3 bolyp utylǵan edi. 13 qańtar kúni Túrkııanyń ekinshi lıgasynda óner kórsetetin «Mýrat-pasha Beledııaspormen» teń túsip (1:1), Germanııanyń Ekinshi Býndeslıgasyndaǵy «Bohým1848» komandasyna (0:2) ese jiberdi. Al 16 qańtar kúni agent Valerıı Reshetnev isterin júrgizetin fýtbolshylardan quralǵan «Goal Management Group» komandasyna 0:2 jáne Ekinshi Býndeslıgadaǵy taǵy bir nemis klýby «Dınamoǵa» 3:1 esebimen jeńildi. Al 19 qańtar kúni Moldovanyń "Rapıd" komandasymen 0:0 bolyp tarasqan edi.
