Aqtóbe men Qyzylorda oblystarynda esirtki satqan qylmystyq top ustaldy
ASTANA. QazAqparat - Aqtóbe men Qyzylorda oblystary aýmaǵynda esirtki satýmen aınalysqan qylmystyq top ustaldy. Bul týraly QR ІІM Memlekettik til jáne aqparat departamentiniń dırektory Almas Sadýbaev aıtty, dep habarlaıdy QazAqparat.
«Aqtóbe oblystyq ishki ister departamentiniń Esirtki bıznesimen jáne Uıymdasqan qylmyspen kúres basqarmalarynyń qyzmetkerleri quramynda 3 adam bar uıymdasqan qylmystyq toptyń áreketin áshkereledi. Olar uzaq ýaqyt boıy Aqtóbe men Qyzylorda oblystarynyń aýmaǵynda asa iri kólemde esirtki zattaryn tasymaldaý, saqtaý jáne satýmen aınalysqan»,- dedi ol.
Onyń aıtýynsha, qylmyskerler esirti satýdan túsken aqshaǵa jyljıtyn jáne jyljymaıtyn múlikter satyp alyp otyrǵan.
«Atalǵan fakti boıynsha sotqa deıingi tergeý amaldary bastaldy», - dep atap ótti Almas Sadýbaev.
