Aqtóbe men Qaraǵandyda metallýrgııa salasynyń jańa jobalary iske asady
ASTANA. KAZINFORM — Nurlybek Nálibaev Ónerkásiptik saıasat jónindegi vedomstvoaralyq komıssııa otyrysyn ótkizdi. Bul týraly Úkimettiń baspasóz qyzmeti habarlady.
Qazaqstan Respýblıkasy Premer-mınıstriniń birinshi orynbasary Nurlybek Nálibaevtyń tóraǵalyǵymen Ónerkásiptik saıasat jónindegi vedomstvoaralyq komıssııanyń kezekti otyrysy ótti.
Otyrys barysynda ınnovatsııalyq tehnologııalardy engizýdi kózdeıtin metallýrgııa salasyndaǵy jańa jobalar qaraldy.
Atap aıtqanda, Aqtóbe oblysynda zamanaýı tehnologııalyq sheshimderdi qoldaný arqyly taza katodty mys óndirýge baǵyttalǵan joba, sondaı-aq Qaraǵandy oblysynda volfram kenin óńdeý jáne shıkizatty gıdrometallýrgııalyq óńdeýdiń ınnovatsııalyq tehnologııalaryn qoldaný arqyly ammonıı paravolframatyn óndirý jobasy talqylandy.
Premer-mınıstrdiń birinshi orynbasary bul jobalardy iske asyrý eldiń eksporttyq sebetin ártaraptandyrý, shıkizatty el ishinde tereń óńdeý arqyly qosylǵan quny joǵary ónim óndirý sııaqty joǵary mýltıplıkatıvtik áserge ıe ekenin atap ótti.
Aıta ketelik ishki óndiris ekonomıkaǵa qalaı serpin berip jatqany týraly jazǵan edik.
