«Aqtóbe» men «Fakel» fýtbol klýbtary 2:2 esebimen teń tústi
ALMATY. 9 aqpan. QazAqparat /Erlik Erjanuly/ - Túrkııanyń Antalııa qalasynda oqý-jattyǵý jıynynda júrgen aqtóbelik fýtbolshylar keshe Belek qalasynda vorenejdik qurdastarymen joldastyq kezdesý ótkizdi.
Vladımır Mýhanov jattyqtyratyn «Aqtóbe» men Konstantına Sarsanııa tizginin ustaǵan «Fakel» fýtbol klýbtary arasyndaǵy bul kezdesý 2:2 bop aıaqtaldy. Ótken maýsymda vorenejdikter Reseı chempıonatyndaǵy Ulttyq lıgadaǵy 20 komandanyń arasynda 19-oryn alsa, aqtóbelikter Qazaqstan Premer lıgasynda 12 komandanyń ishinde 3-oryn alyp, qola júldeger atanǵan bolatyn.
«Aqtóbe» kelesi joldastyq kezdesýin senbi kúni Horvatııanyń Splıt qalasynyń "Radnıchkı" komandasymen ótkizbek. Birinshi lıgada óner kórsetetin bul komanda 2010/2011 jylyǵ maýsymda qola júldeger atanǵan bolatyn. Bul 29-qańtardan beri Túrkııada júrgen aqtóbelikterdiń bul jıyndaǵy sońǵy kezdesýi bolmaq. Olar 12-aqpanda elge qaıtpaq.
