"Aqtóbe» men «Dınamo» alǵashqy taımda bir-bir golmen almasty. VIDEO
ASTANA. 22 tamyz. QazAqparat - Qazaqstandyq «Aqtóbe» men kıevtik «Dınamo» Eýropa Lıgasyndaǵy pleı-off kezeńindegi matchta bir-bir golmen almasty, dep habarlaıdy Vesti.kz.
Kezdesýdiń alǵashqy mınýtynan kıevtikter jaǵynan birshama qysym baıqaldy. «Dınamolyqtardyń» gol soǵýǵa asyqqany kórinip turdy. Jankúıerlerdiń qıqýlaǵan qoldaýyna qaramastan, qazaqstandyq top shashyrańqy oınaǵandaı boldy. Sol úshin de 16-mınýtta Vladımır Nıkıtenkonyń komandasy qonaqtardan bir taıaq jep aldy.
Qaqpalaryna dop ótkizip alǵan aqtóbelikter ózderin qolǵa alyp, qaýipti shabýyldar jasaýǵa kiristi. Sóıtip oıynnyń 37-mınýtynda aıyp dobyn soǵý kezinde qazaqstandyqtar ese qaıtardy. Geınrıh oń jaq flangten shabýyldap, Tremýlınniń doby qaqpaǵa kirdi - 1:1.
