Aqtóbe men Balqashta aýa sapasy nasharlaıdy
NUR-SULTAN. QazAqparat – 14-shi jeltoqsan kúni Aqtóbe men Balqash qalalarynda aýa sapasy nasharlaıdy, dep habarlaıdy QazAqparat «Qazgıdromet» RMK-nyń málimetterine silteme jasap.
«2019 jyldyń 14 jeltoqsany kúni Aqtóbe men Balqash qalalarynda atmosferadaǵy aýa lastanady»,-delingen habarlamada.
Al elimizdiń ózge qalalaryndaǵy aýa sapasy qalypty jaǵdaıda bolady.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy. QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
