Aqtóbe mektepterindegi tárbıe jumystary tekseriledi
AQTÓBE. QazAqparat - Aqtóbede oqýshylar arasynda tóbeles jıelep, qazir tekserý bastaldy, dep habarlaıdy QazAqparat tilshisi.
Aqtóbede mektep oqýshylary tóbelesip, bir-birine pyshaq salý jıilep ketti. Soǵan oraı qalalyq bilim bólimi barlyq mektepterdegi tárbıe jumystaryn tekseredi.
«Kolledjderdiń 1, 2 kýrs stýdentteri men orta mektepterdiń 7-11 synyp oqýshylary arasynda quqyq tártibi máselesi boıynsha saýalnama júrgiziletin bolady. Sonymen qatar, bilim berý uıymynyń jarǵysyna ishki tártip erejeleri men tyıym salynǵan zattardy ákelýge qatysty ózgertýler engizý jumystary atqarylady. 10 qańtar kúni mektep oqýshylary men 1-kýrs stýdentteri arasynda tóbeles bolǵany belgili. Aqtóbe qalasynyń bilim bólimi barlyq mektepterde tárbıe jumysynyń sapasyn zerdeleıtin jumys tobyn qurdy», - dep habarlady óńirdik kommýnıkatsııalar qyzmeti.
Aıta keteıik, qazir mektepterde polıtsııa qyzmetkerleri, bilim bóliminiń mamandary kezdesý ótkizip jatyr. Sonymen qatar, oqýshylardyń sabaqtan tys ýaqytta sportpen, ónermen shuǵyldanýy, mádenı-sporttyq sharalarǵa qatystyrý baqylaýǵa alyndy. Túrli reıdter de kúsheıtildi.
