Aqtóbe mektebinde 13 jasar oqýshy kóz jumdy

Aqtóbe qalasyndaǵy mektepte oqýshy qulap, kóz jumdy, dep habarlaıdy Kazinform.

Bul týraly Aqtóbe oblystyq densaýlyq saqtaý basqarmasy habarlady. Basqarma basshysy Rústem Isaevtiń aıtýynsha, 13 jastaǵy bala qulaǵanda moınymen ústeldiń ushyna soǵylǵan.

— Mekteptiń 7-synyp oqýshysy úshinshi sabaqtan keıingi úzilis kezinde synyp ishinde partaǵa soǵylyp qulap, soqqydan esinen tanyp qalǵan. Mektep tarpynan shuǵyl jedel járdem shaqyrylyp, bala aýrýhanaǵa jetkizilgen. Aýrýhanadan sýyq habar alyndy. Qazirgi tańda quzyrly organdar tarapynan tergep-tekserý jumystary júrgizilip jatyr, — dedi Aqtóbe qalalyq bilim bóliminiń basshysy Metgúl Qosymbaeva.

Oqýshy aýrýhanaǵa es-tússiz kúıde jetkizilgen. 

— Bala tynystamaı qalǵan. Birden oblystyq klınıkalyq aýrýhanaǵa jetkizildi. Es-tússiz boldy. Jansaqtaý bóliminde balanyń ómirin saqtap qalý úshin dárigerler bar kúshin saldy. Biraq eshteńe ónbedi. Saǵat 11:25–de bıologııalyq ólim tirkeldi, — dep habarlaıdy Aqtóbe oblystyq densaýlyq saqtaý basqarmasynyń basshysy Rústem Isaev.

Aıta keteıik, 7-synyp oqýshysy qaladaǵy № 27 mektepte bilim alǵan.