Aqtóbe mektebindegi zorlyq: Qylmystyq is qozǵaldy
Aqtóbede orta mekteptiń 1 synyp oqýshysyna nápsiqumyrlyq sıpatta zorlyq kórsetti degen kúdikke qatysty tergeý júrip jatyr. Keıin Bilim jáne ǵylym mınıstrliginiń ókilderi arnaıy kelip, balamen, onyń ata-anasymen kezdesti. Birden mektep dırektory men onyń orynbasary jumystan ýaqytsha shettetildi. Al búgin qylmystyq is qozǵalǵany belgili bolyp otyr.
«Qylmystyq kodekstiń «Balalardyń ómiri men densaýlyǵynyń qaýipsizdigin qamtamasyz etý jónindegi mindetterdi tıisinshe oryndamaý» baby boıynsha is qozǵaldy»,- dep habarlady oblystyq PD baspasóz qyzmeti.
Bul baptyń sanktsııasynda «belgili bir laýazymdardy atqarý nemese belgili bir qyzmetpen aınalysý quqyǵynan úsh jylǵa deıingi merzimge aıyra otyryp nemese onsyz, eki myń aılyq eseptik kórsetkishke deıingi mólsherde aıyppul salýǵa ne sol mólsherde túzeý jumystaryna ne alty júz saǵatqa deıingi merzimge qoǵamdyq jumystarǵa tartýǵa ne eki jylǵa deıingi merzimge bas bostandyǵyn shekteýge ne sol merzimge bas bostandyǵynan aıyrýǵa jazalanady.