Aqtóbe, Mańǵystaý jáne Qostanaı oblystarynda kórý qabileti buzylǵan balalarǵa arnalǵan 250 mektep-ınternat salynady - B.Jumaǵulov
ASTANA. 28 mamyr. QazAqparat - Aqtóbe, Mańǵystaý jáne Qostanaı oblystarynda kórý qabileti buzylǵan balalarǵa arnalǵan 250 mektep-ınternat salynady.
Búgin 2012-2018 jyldarǵa arnalǵan múgedekterdiń ómir sapasyn jaqsartý jáne quqyqtaryn qamtamasyz etý boıynsha is-sharalar josparynyń birinshi kezeńiniń júzege asyrylýy qarastyrylǵan Úkimet otyrysynda QR Bilim jáne ǵylym mınıstri Baqytjan Jumaǵulov osylaı málim etti.
Osy oqý jylynda Almaty oblysynyń Esik qalasynda respýblıkalyq bıýdjetten kórý qabileti buzylǵan balalarǵa arnalǵan 250 oryndyq arnaýly mektep-ınternat paıdalanýǵa berilgenin atap ótken ol: «Jergilikti bıýdjet qarajaty esebinen Aqtóbe, Mańǵystaý jáne Qostanaı oblystarynda osyndaı ınternattardy salý josparlanýda»,- dedi.
Mınıstrdiń atap ótýinshe, 2011-2020 jyldarǵa arnalǵan memlekettik baǵdarlama aıasynda respýblıkalyq bıýdjetten damý múmkindigi shekteýli jáne úıde oqıtyn balalarǵa 4 mlrd. 170 mln. teńge qarjy bólindi. Olar kompıýterler, kómekshi tehnıkalyq quraldar satyp alýǵa jáne Internet jelisine qosylýǵa arnalǵan.
