«Aqtóbe» — «Legııa» matchy qarsańynda polıtsııa kúsheıtilgen rejımge kóshti
AQTÓBE. KAZINFORM — Aqtóbege «Legııa» komandasynyń jankúıerleri keldi. Qazirgi kezde polıtsııa kúsheıtilgen tártipte jumys istep jatyr.
Aqtóbe qalasyna «Legııa» komandasymen birge olardyń bir top jankúıeri keldi. UEFA Eýropa lıgasynyń birinshi irikteý kezeńindegi kezdesý aldynda polıtsııa qoǵamdyq tártipti qamtamasyz etpek.
— Qazir polıtsııa kúsheıtilgen rejımde jumys istep jatyr. Quqyq qorǵaý orǵandary qoǵamdyq tártipti qadaǵalaıdy, qala turǵyndary men qonaqtarynyń qaýipsizdigin qamtamasyz etedi. Qazir jaǵdaı turaqty. Match kezinde stadıon men onyń jan-jaǵynda polıtsııa baqylaý júrgizedi, — dep habarlady Aqtóbe oblystyq PD baspasóz qyzmeti.
Aqtóbe polıtsııasy keshe jankúıerlerdiń qaýipsizdigin qamtamasyz etti. Tipti olardyń janynda júrdi.
Eske salsaq, «Aqtóbe» fýtbol komandasy búgin UEFA Eýropa lıgasynyń birinshi irikteý kezeńinde Polshanyń «Legııa» (Varshava) komandasymen qarymta oıyn ótkizedi. Oıyn qazaqstandyq ýaqytpen 21:00–de bastalyp, «Qazaqstan» telearnasynan tikeleı efırde kórsetiledi.