«Aqtóbe» komandasyna jańa bapker taǵaıyndaldy

ASTANA.KAZINFORM – Qazaqstandyq «Aqtóbe» komandasy slovakııalyq maman Shtefan Tarkovıchpen kelisimshartqa qol qoıdy. Bul jóninde «Aqtóbe» fýtbol klýbynyń baspasóz qyzmeti málim etti.

Shtefan Tarkovıch 1973 jyly 18 aqpanda dúnıege kelgen. 1996 jyldan bastap slovakııalyq birqatar klýbta óner kórsetti. Bapker retinde Slovakııa, BAÁ klýbtarynda eńbek etse, 2023-2024 jyldary Qyrǵyzstan quramasyn jattyqtyrdy. 

Aıta keteıik, «Aqtóbe» komandasy bıylǵy birinshilikti sátsiz bastady. Alǵashqy úsh týrda bir márte jeńiske jetip, qalǵan kezdesýlerde qarsylastaryna ese jiberdi. Qazir týrnır kestesinde 3 upaımen 10-orynda tur. Osy jaǵdaıǵa baılanysty bolgarııalyq maman Nıkolaı Kostov qyzmetinen ketti.

Byltyrǵy fýtbol maýsymynyń ortasynda 62 jastaǵy maman komandany jetekshilik etip, chempıonatta 5-orynǵa taban tiredi. 2025 jyldyń tamyzynan beri Kostovtyń basshylyǵymen «Aqtóbe» QPL aıasynda 10 oıyn ótkizdi. Onyń tórteýin jeńse, bireýinde teń oınap, qalǵan beseýinde jeńiliske ushyrady.

Fýtboldan Qazaqstan Premer-lıgasynyń tórtinshi týrynda aqtóbelik klýb 5 sáýirde syrt alańda Jezqazǵannyń «Ulytaý» komandasymen kezdesedi.