Aqtóbe kolledjinde bolǵan órtten eki adam zardap shekti
Aqtóbe qalasyndaǵy kolledjde órt bolyp, eki adam zardap shekti, dep habarlaıdy QazAqparat "Moı gorod" basylymyna silteme jasap.
Aqtóbe oblysy Tótenshe jaǵdaılar departamentiniń málimetinshe, 22 qyrkúıek kúni saǵat 18:28-de Eset batyr kóshesindegi gýmanıtarlyq kolledjde órt shyqqan.
Jertólede keńse jabdyqtary janyp jatqan. Oqıǵa ornynda 52 órt sóndirýshi, 12 tehnıka men jedel járdem jumys istedi. Zardap shekken bilim mekemesiniń eki qyzmetkeri aýrýhanaǵa jetkizildi. Órt saǵat 18:40-ta sóndirildi. Órttiń shyǵý sebebi anyqtalýda.
Aqtóbe oblystyq densaýlyq saqtaý basqarmasy basshysynyń orynbasary Bekbolat Іzbasarov zardap shekkenderdiń ekeýi de jedel járdem aýrýhanasynyń travmatologııa bóliminde jatqanyn aıtty.
«Bir jumysshynyń beti, moıny, eki qoly, eki tize býyny termııalyq jalynmen kúıip qalǵan, ekinshisiniń beti, eki aıaq-qoly, basy men arqasy termııalyq jalynmen kúıip, emdelip jatyr», - delingen habarlamada.
