«Aqtóbe» klýby fýtboldan Qazaqstan Sýper kýbogynyń ıegeri atandy
ALMATY. Naýryzdyń 15-i. QazAqparat /Erlik Erjanuly/ - Keshe Astanada fýtboldan Sýper kýbok jolyndaǵy oıynda Vladımır Muhanovtyń shákirtteri - «Aqtóbe» klýby atyraýlyq fýtbolshylardan 2:0 esebimen basym tústi,
dep habarlaıdy QazAqparat.
Andreı Shabanov qorǵaǵan qaqpaǵa oıynnyń birinshi jartysynda Sergeı Strýkov (42-shi mınýt) alǵashqy dopty engizgen bolatyn. Ekinshi taımnyń 80-shi mıntýtynda Evgenıı Avarchenko esepti 2:0-ge jetkizdi. Sonyń nátıjesinde bıyl úshinshi ret ótken bul dúbirli dodada Vladımır Muhanovtyń komandasy ekinshi ret Sýper kýbok ıegeri atandy. Olar buǵan deıin 2008 jyly naýryzdyń 2-sinde «Tobyl» fýtbol klýbyn Almatydaǵy Ortalyq stadıonda 2:0 esebimen utqan bolatyn.
