Aqtóbe kásipkerleri men sheneýnikter bir aılyq jalaqylaryn muqtaj otbasylarǵa aýdarady
AQTÓBE. QazAqparat -Aqtóbe qalasynyń ákimi Іlııas Ispanov jergilikti sheneýnikter men kásipkerlerge bir aılyq jalaqylaryn kópbalaly, muqtaj otbasylarǵa aýdarýdy usyndy, dep habarlaıdy QazAqparat tilshisi.
Búginde Aqtóbe qalasynda memlekettik organ ókilderi men kommýnaldyq mekeme qyzmetkerleri qoǵamdyq qabyldaý júrgizip jatyr. Ashyq esik kúni úsh kúnge josparlanǵan bolatyn. Biraq búgin onyń ýaqyty taǵy eki kúnge uzartylyp, 15 aqpanǵa deıin turǵyndardyń kez kelgen suraǵyn tyńdaýǵa sheshim qabyldandy.
Aqtóbe ákiminiń baspasóz qyzmetinen málim etkendeı shahar basshysy Іlııas Ispanov túsken suraqtar men usynystardy saralaýdy tapsyrdy. Budan bólek, kásipkerler men depýtattarǵa bir aılyq jalaqylaryn muqtaj otbasylarǵa aýdarýǵa úndeý tastady.
«Qalada Aqtóbe oblysy ákimdiginiń uıymdastyrýmen «Ashyq esik kúnderi» keń kólemdi aktsııasy ótip jatyr. Kómekke muqtaj otbasylarmen naqty jumys isteý úshin depýtattar, qoǵam belsendileri jáne memlekettik qurylym ókilderinen turatyn mobıldik toptar quryldy, Olar kómekke zárý azamattardyń turatyn mekenjaılaryna barady. Búgin turǵyndardyń saýaldary, ótinishteri boıynsha jumystar saralandy. Olarǵa qol ushyn berý maqsatynda aldaǵy ýaqytta atqarylar ister naqtylandy. Qalamyzdaǵy kásipkerler, qurylys kompanııalarynyń basshylary járdemdi qajet etetin otbasylarǵa kómektesý sheshimin qabyldady. Al Aqtóbe qalasynyń ákimi Іlııas Ispanov bir aılyq jalaqyny «Qolǵanat Aqtóbe» qoǵamdyq qoryna aýdarý týraly úndeý tastady. Úndeýdi depýtattar, kásipkerler, qoǵamdyq uıym ókilderi biraýyzdan qoldady», - dep habarlady qala ákiminiń baspasóz qyzmeti.
