Aqtóbe kásipkerler palatasy Ýkraınada qalǵan 11 júk tasymaldaýshydan habar aldy

AQTÓBE. QazAqparat - Júk tasymaldaýshy 11 júrgizýshi Aqtóbe oblysynyń kásipkerler palatasyna habarlasyp, Ýkraınadaǵy mekenjaıyn aıtty, dep habarlaıdy QazAqparat tilshisi.

«Atameken» UKP Ýkraınadan shyǵa almaı jatqan jáne kórshi memleketterdiń shekaralas aımaqtarynda turǵan júk kólikteri týraly derekter jınaı bastady.

Aqt óbe oblysynan barlyǵy 11 júrgizýshi habarlasyp, qazirgi mekenjaıyn aıtty.

Olar kólikterin tastap kete almaıdy. Sebebi 11 kóliktiń 9-ynda júk bar.

Sondyqtan óńirlik kásipkerler palatasynda kásipkerlermen, júk tasymaldaý kompanııalarynyń ókilderimen keńes ótkizý josparlandy.

«Barlyq óńirlik palata júrgizýshiler týraly derekterdi jınaqtap jatyr. Tizimderdi jedel túrde Ulttyq palataǵa jiberemiz. Olar ýákiletti vedomstvolarǵa joldaıdy. Jýrnalıster arqyly kásipkerlerge, júrgizýshilerge júgingimiz keledi. Eger siz nemese sizdiń kompanııańyzdyń júrgizýshisi Ýkraınadan shyǵa almaı qalsa [phone] nómirine habarlasýǵa bolady. Bul UKP call-ortalyǵy. Nemese [phone] nómirine habarlasyńyz. Bul - meniń baılanys nómirim. Búgingi kúni júk tasymaldaýshy júrgizýshilerden 11 aqparat qabyldandy. Onyń toǵyzynda júk bar, al úsh kólik bos. Atameken UKP olarmen baılanysta. Ýkraınadan júk tıep kele jatqandardyń elge oralýy úshin jedel sharalaryn uıymdastyrylyp jatyr», - dedi Aqtóbe ÓKP dırektorynyń orynbasary Rýslan Kýıshınov.

UKP-nyń arnaıy formasy men baılanys nómiri júrgizýshilerdiń barlyq chatyna, salalyq qaýymdastyqtarǵa taratyldy.