«Aqtóbe - Qandyaǵash» tasjoly 2023 jyly kúzde tolyq paıdalanýǵa beriledi
AQTÓBE. QazAqparat – Búginde «Aqtóbe - Qandyaǵash» tasjolyn salý qyzý júrip jatyr. Jospar boıynsha jol 2023 jyldyń kúzinde tolyq paıdalanýǵa beriledi. Bul týraly «QazAvtoJol» AQ ulttyq kompanııasynyń Aqtóbe oblysy fılıalynyń dırektory Marat Mahambetov málim etti, dep habarlaıdy QazAqparat tilshisi.
«Aqtóbe – Qandyaǵash tasjolyn qaıta jańartý jumysy ótken jyly bastaldy. Biz qazir tasjoldyń 18-shi shaqyrymynda turmyz, bul jerde asfalttaý jumysy júrip jatyr. Joldan bólek kópirler men sý jáne mal ótkizetin qubyrlar salynýda. Bul tasjol paıdalanýǵa 1960 jyldary berilgen. Ol kezdegi joldaǵy kóliktiń júrý qarqyny men qazirgi qarqyndy salystyrýǵa bolmaıdy. Tasjol 4 jolaqty bolady. Bıyl sonyń 2 jolaǵy boıynsha 89 shaqyrym joldy paıdalanýǵa beremiz dep josparlap otyrmyz. ıAǵnı kúzge deıin Qandyaǵash qalasyna deıingi joldy berýge tyrysamyz. Jolmen qosa Aqtóbe – Qandyaǵash arasynda qajetti ınfraqurylymdy jasaý da josparda bar. Qazir ınfraqurylym máselesin ákimdikpen birlesip qarastyryp jatyrmyz», - dedi Marat Mahambetov baspasóz týry barysynda.
Fılıal dırektorynyń dereginshe, Aqtóbe – Qandyaǵash tasjoly tolyq paıdalanýǵa 2023 jyldyń kúzinde beriledi. Joldy salýǵa bıýdjetten 64 mlrd teńge qarjy bólingen.
«Jumys barysyndaǵy kedergilerge kelsek, qurylys materıaldarynyń baǵasy ósti. Onyń ishinde temir-beton, armatýra, taǵy sol sııaqty materıaldar qymbattady. Soǵan qaramastan jumys ýaqtyly júrip jatyr. Bul joldy salýda úshjaqty memorandým jasaldy. ıAǵnı QazAvtoJol, ákimdik jáne mergider kompanııa arasynda. Kadr tapshylyǵyna kelsek bizge ınjener, avtogreıderler men asfalt quıatyn mamandar jetispeıdi. Bul máseleni sheshý úshin biz Aqtóbedegi avtojol kolledjimen tyǵyz jumys istep jatyrmyz. Bizdiń keıbir mamandar kolledjde dáris berip jatyr», - deıdi ol.
Onyń aıtýynsha, tasjol 1 sanatqa jatady. Sol sııaqty jol salýǵa 500 maman jáne 150-200 tehnıka jumyldyrylǵan. Sondaı-aq, atalǵan respýblıkalyq jol bolashaqta aqyly bolýy múmkin.
Aıta keteıik, «QazAvtoJol» ulttyq kompanııasynyń uıymdastyrýymen «Aqtóbe – Oral – Atyraý» baǵytyndaǵy respýblıkalyq mańyzy bar joldardaǵy istelinip jatqan jumystar boıynsha BAQ ókilderine arnalǵan týr ótip jatyr.
