«Aqtóbe — Qandyaǵash» trassasynda kólik qozǵalysy shekteledi
ASTANA. KAZINFORM — Avtomobıl jolynyń 87+100 shaqyrym aralyǵyndaǵy ýchaskesinde elektrondy aqparattyq ekran men baqylaý arkasy ornatylady, dep habarlaıdy «QazAvtoJol» UK baspasóz qyzmeti.
2025 jylǵy 26 tamyz kúni respýblıkalyq mańyzy bar «Aqtóbe — Qandyaǵash» avtomobıl jolynyń 87+100 shaqyrym aralyǵyndaǵy ýchaskesinde elektrondy aqparattyq ekran men baqylaý arkasyn ornatý boıynsha jumystar júrgiziletin bolady.
— Soǵan baılanysty 2025 jylǵy 26 tamyz saǵat 12:00–den 14:00–ge atalmysh jol ýchaskesinde Qandyaǵash qalasynyń aınalma jolynan bastap eldimekenniń kireberisine deıin kóliktiń barlyq túriniń qozǵalysyna ýaqytsha shekteý engiziledi. Ýaqytsha qolaısyzdyqtarǵa túsinistikpen qaraýlaryńyzdy suraımyz, — delingen kompanııa habarlamasynda.
Budan buryn «Aqtóbe – Shymkent» baǵytyndaǵy ushaqta janjal shyǵarǵan jolaýshy reısten túsirilgenin jazǵanbyz.