Aqtóbe kameralyq hory qyzylordalyqtardyń qoshemetine bólendi
QYZYLORDA. QazAqparat- Ǵazıza Jubanova atyndaǵy Aqtóbe oblystyq fılarmonııasynyń qazaq kameralyq hory Syr eline gastroldik saparmen kelip, kıeli ónerdiń mártebesin bıiktetken kesh usyndy, dep habarlady QazAqparat HAA tilshisi.
Kórshiles oblystardyń mádenı baılanysyn nyǵaıtý maqsatynda uıymdastyrylǵan keshte óner ujymy "Elim-aı", "Ilıgaı", "On alty qyz" sekildi halyq ánderin keltire oryndady.
Sondaı-aq, E.Hasanǵalıevtiń "Sáýlem", D.Súleevtiń "Qýanyshym meniń", D.Ábdinurovtyń "Qýyrmash" jáne orys halyq ánderin aqtóbelik ónerpazdar tamyljyta shyrqap, kópshiliktiń yqylasyna bólendi.
Aıta keteıik, atalǵan kameralyq hor - elimizdegi irgeli hor ujymdarynyń biri. Repertýary jańa týyndylarmen únemi tolyǵyp, jyl ótken saıyn shyǵarmashylyq shabytpen jumys jasaýda. Halyqaralyq, respýblıkalyq dodalarda da top jaryp júr. Buǵan deıin olar halyqaralyq "Jubanov kóktemi", "Astana án qanatynda" hor mýzykasy festıvalderinde júldeli oryndardy qanjyǵalaǵan bolatyn.
