Aqtóbe qalasynyń ortasyndaǵy ózen qurǵap ketti
AQTÓBE. QazAqparat - Aqtóbede qalanyń ortasymen aǵyp jatqan Sazdy ózeniniń arnasy qurǵap ketti, dep habarlaıdy QazAqparat tilshisi.
Sazdy ózeniniń arnasy qurǵap ketti. Sondyqtan Sazdy sý qoımasy ashylyp, ózen arnasyn toltyrý jumysy bastaldy.
«Jylda sý qoımasy tolyp, artylǵany qala ishindegi arnaǵa keletin. Negizi 7 mıllıon tekshe metr sý bolýy kerek, al qazirgi kezde 2,8 mıllıon tekshe metr sý bar. Aıyrmashylyǵy kórinip tur. ıAǵnı, sý óz erkimen qala ishine kelmeı qaldy. Sondyqtan arnaıy jiberilip, sý baý-baqshaǵa, gúl, kógaldy sýarý úshin berilip jatyr. Jaqyn kúnderi ózen arnasy da tolady», - dedi qalasy ákimi apparatynyń áskerı jumyldyrý jumystary, azamattyq qorǵanys jáne tótenshe jaǵdaılar bóliminiń basshysy Bekbolat Nurashev.
Aıta keteıik, Aqtóbe qalasynda 2017 jyly sý tasqyny bolyp, bıyl 8 ózenniń arnasyn tazartý jumysy qolǵa alyndy.
Bul jumystarǵa respýblıkalyq bıýdjetten 6 mıllıard teńgeden astam qarjy bólindi.
