Aqtóbe qalasynyń kóshelerin sý basty

AQTÓBE. QazAqparat – Aqtóbe qalasynda kóktemgi sý tasqynyna qarsy jumystar júrip jatyr. Alaıda kommýnaldyq mekemeler kóshedegi sýdy sorý jumystaryn tolyq atqara almady, dep habarlaıdy QazAqparat tilshisi.

Aqtóbe qalasynda qar aralas jańbyr jaýyp, kóshelerdi sý basty.

Qazirgi kezde qalanyń kóshelerinde qozǵalys qıyndap, júrgizýshilerdiń kóligi oıyqqa túsip jetip jatyr.

Sonymen birge jaıaý júrginshiler jolyn sý basyp qaldy.

«Aqpan aıynyń 6-nan 7-ne qaraǵan túni qalada nóser jańbyr jaýdy. Arty qarǵa ulasty. Sý sorý jumystaryna 89 assenızator jumyldyryldy. Onyń 39-y suranys boıynsha jumys isteıdi. Al 50 kólik qala kóshelerindegi sýdy soryp jatyr. Keı jerlerde úlgermedik. Sebebi qar tez erip, sýdyń jınalýy údedi. Sonymen birge mobıldi top jumys istep jatyr. Motopompalar arqyly sý joldan adam júrmeıtin jerge tógiledi. Mundaı barlyǵy 8 tehnıka bar», - dedi qalalyq turǵyn úı-kommýnaldyq sharýashylyq bóliminiń sektor meńgerýshisi Serik Dáýletov.

Mamannyń aıtýynsha, Qazgıdromettiń oblystyq fılıaly mundaı jaǵdaı týraly habarlama bermegen.

Aıta keteıik, qazirgi kezde polıgonǵa 190 myń tekshe metr qar shyǵaryldy. Qaladaǵy Shanhaı aýdanynda qar shyǵarylyp boldy.

Qazir Máskeý, Qurmysh, Sút zaýyty aýdanynda qar jınaý jumystary atqarylyp jatyr.