Aqtóbe qalasyndaǵy jaǵdaı turaqty ári tolyqtaı baqylaýda - QR ІІM (VIDEO)

ASTANA. QazAqparat - Qazirgi ýaqytta Aqtóbe qalasyndaǵy jaǵdaı turaqty, tolyqtaı baqylaýda, dep málimdedi QR ІІM resmı ókili Almas Sádýbaev Aqtóbe qalasyndaǵy 9 maýsymdaǵy jaǵdaı jóninde.

«Qazirgi ýaqytta Aqtóbe qalasyndaǵy jaǵdaı turaqty, tolyqtaı baqylaýda. Quqyq qorǵaý organdary qala aýmaǵynda qaýipsizdik pen quqyqtyq tártipti qamtamasyz etýde», dedi QR ІІM Memlekettik til jáne aqparat departamentiniń dırektory Almas Sádýbaev. 

Polıtsııa arnaıy qyzmettermen birlese otyryp, qalǵan 6 qylmyskerdi izdestirý boıynsha keshendi sharalar júrgizýde.

«Ulttyq aza tutý kúni Іshki ister mınıstrliginde, ishki ister organdary barlyq bólinisteriniń, oqý oryndary men basqa da mekemeleriniń ǵımarattarynda memlekettik týlar tómen túsirilgen. Jeke qurammen aza tutý kúnine oraı is-sharalar ótýde», dedi mınıstrliktiń resmı ókili.