Aqtóbe qalasynda úsh shaǵynaýdan jylýsyz qaldy

AQTÓBE. QazAqparat - Aqtóbede Bolashaq, Keńdala jáne 12-shaǵynaýdan jylý men ystyq sýdan ajyratyldy, dep habarlaıdy QazAqparat tilshisi.

Aqtóbe qalasy 12-shaǵynaýdandaǵy 26 úı mańynda bekitý armatýrasy syndy.

«Jumys kezinde jer qazylǵan joq. Ol armatýra jylý qudyǵynda ornalasqan. Osyǵan baılanysty 12 jáne Bolashaq, Keń dala shaǵyn aýdandaryndaǵy birneshe turǵyn úıde jylý jáne ystyq sý berý ýaqytsha toqtatyldy. Qazir qalpyna keltirý jumystary aıaqtaldy. Azdaǵan ýaqyttan keıin kommýnaldyq qyzmet qalypty rejımde beriledi»,- dep habarlady «Aqtobesy-energy group» AQ baspasóz qyzmeti.

Aıta keteıik, buǵan deıin Aqtóbede gaz qysymy tómendep, saıajaı turǵyndary kómek suraǵan bolatyn.

Prezıdent te Úkimet otyrysynda jylý maýsymy kezinde birneshe oblysta aqaý bolǵanyn aıtty.