Aqtóbe qalasynda teplovoz relsten shyǵyp ketti
ASTANA. QazAqparat - Aqtóbe qalasy Jamanqulov kóshesinde teplovoz relsten shyǵyp ketti, dep habarlaıdy QazAqparat tilshisi oqıǵa ornynan.
Málim bolǵandaı, teplovoz mashınısi oqıǵa ornynda joq. Oqıǵa saldarynan aýla ishinde turǵan kólik zaqymdandy. Oqıǵa ornynda tótenshe jaǵdaılar qyzmeti, órt sóndirýshiler men polıtsııa qyzmetkerleri júr. Gaz qubyry zaqymdanyp, 5 qabatty úıdiń turǵyndary evakýtsııalandy. Japa shekkender joq.
Oqıǵanyń mán-jaıy anyqtalýda. Tolyq aqparat keıinirek habarlanady.
