Aqtóbe qalasynda Orynbor alleıasy ashylady

AQTÓBE. QazAqparat - Aqtóbe qalasynda Orynbor alleıasy ashylady. Bul týraly búgin oblystyq syrtqy baılanys jáne týrızm basqarmasy basshysynyń orynbasary Almas Salyqbaev baspasóz máslıhatynda aıtty, dep habarlaıdy QazAqparat tilshisi.

«Aqtóbede Orynbor oblysynyń kúnderi ótkiziledi. Josparǵa sáıkes Orynbordyń alleıasy ashylady. Onda shamamen 300-den astam shyrsha, qaıyń men órik aǵashy otyrǵyzylatyn bolady. Alleıada eki kórshi óńirdiń dostyq nyshanyn bildiretin belgitas bolady», - dep atap ótti basqarma basshynyń orynbasary Almas Salyqbaev.

Alleıa qaladaǵy Batys-2 yqsham aýdanynda ornalasatyn bolady.
«Biz óz tarapymyzdan alleıa tujyrymdamasyn jasaýǵa úles qosyp, jobany ázirledik. Bul jumys áli júrip jatyr. Bizdiń vedomstvolar jumysty Aqtóbe tarapymen birlesip atqarady. Jańa alleıa jergilikti turǵyndar úshin janǵa jaıdy oryn bolatynyna senimdimiz», - dedi RF Orynbor oblysynyń halyqaralyq yntymaqtastyq basqarmasy bastyǵynyń orynbasary Aleksandr Dıachenko.

Aldaǵy demalys kúderi Aqtóbede Orynbor oblysynyń kúnderi ótedi.  Onda túrli kórmeler, semınarlar ótkiziledi, mádenı baǵdarlama daıyndaldy. Jármeńke uıymdastyrylyp, qolóner sheberleri sheberlik sabaǵyn ótkizedi.