Aqtóbe qalasynda órtten 57 adam qutqarylyp, 90 adam evakýatsııalandy
AQTÓBE. QazAqparat – Aqtóbede turǵyn úıden órt shyqty, dep habarlaıdy oblystyq TJD baspasóz qyzmeti.
«2020 jylǵy 16 jeltoqsan kúni saǵat 16:18-de 101 pýltine Aqtóbe qalasy Batys-2 aýdanynda №15 kópqabatty turǵyn úıdiń 3 qabatynan órt shyqqandyǵy týraly habarlama kelip tústi. Qalalyq órt sóndirý bólimderiniń jeke quramy dereý oqıǵa ornyna jiberildi. Oqıǵa ornyna jetkende turǵyn úıdegi páterdiń birinen órt shyqqandyǵy anyqtaldy, aýmaǵy 50 sharshy metr quraıdy» delingen habarlamada.
Aldyn ala aqparat boıynsha 90 adam, onyń 30 bala qaýipsiz aımaqqa kóshirildi. 57 adam, onyń 25 bala qutqaryldy. Gazben ýlanǵandardyń biri oblystyq balalar aýrýhanasyna jatqyzyldy, endi biri jedel medıtsınalyq kómek aýrýhanasyna jetkizildi.
Órt 16.53 tolyq sóndirildi.
