Aqtóbe qalasynda karantın rejımi saqtalady
AQTÓBE. QazAqparat – Aqtóbe qalasy boıynsha karantın rejımi saqtalady, blokposttar sol kúıi jumysyn jalǵastyrady, dep habarlaıdy QazAqparat tilshisi.
«Aqtóbe oblysy boıynsha shekteý sharalary sol kúıi saqtalady. Aqtóbe qalasy karantınde bolady. Epıdemıologııalyq jaǵdaı turaqty bolǵanda, eger ósim 5 paıyzdan aspasa, karantın rejımin jeńildetý kezeń-kezeńimen jalǵasa beredi. Mindetti túrde ara qashyqtyq saqtalyp, betperde ár 2 saǵat saıyn aýystyrylýy tıis», - dedi oblystyq taýarlar men kórsetiletin qyzmetter sapasy men qaýipsizdigin baqylaý departamentiniń basshysy Nursulý Berkimbaeva.
Qazir emhanalarǵa telefon arqyly jazylyp, dárigerler qabyldaýyna barýǵa ruqat berildi. Al halyqqa qyzmet kórsetý ortalyqtary onlaın rejımde qyzmet kórsetip jatyr.
«Blokposttar sol kúıi jumysyn jalǵastyrady. Sebepsiz qaladan shyǵýǵa bolmaıdy, aýdannan da kire almaıdy. Qujaty bolsa ótkizedi. Temirjol, kólik qatynasyn jandandyrý máselesi áli qarastyrylyp jatyr», - dedi Nursulý Berkimbaeva.
Aıta keteıik, Aqtóbe qalasynda búgin taǵy 2 adamnan indet anyqtaldy. Qazir olar ınfektsııalyq aýrýhanada jatyr. Oblys boıynsha barlyǵy 174 adam vırýs juqtyryp, onyń 54-i emdeldi.
