Aqtóbe qalasynda balalarǵa arnap, 200 oıyn alańy salynady
Aqtóbe qalasynda ótken jyly kópqabatty úıdiń aýlasyn abattandyrý jumysy bastaldy. Bıyl bul is jalǵasady. 2021 jyly 200 aýlaǵa balalardyń oıyn alańy salynady. Sonymen birge 10 iri oıyn kesheni boı kóteredi. Qurylys tek qala ortalyǵynda emes, eldi mekenderde de júrgiziledi.
«Balalar men jasóspirimderge arnalǵan oıyn, sport alańdaryn salý – bizdiń mindet. Ákimderdiń esep berý kezdesýinde qala turǵyndary birneshe ótinish aıtty. Biz tek oblys ortalyǵyndaǵy emes, jaqyn mańdaǵy aýyldardaǵy demalys, sport alańynyń máselesin sheshýge kúsh salamyz», - dedi qala ákimi Ashat Shaharov.
Byltyr qala aýmaǵynda kólik joldaryn jóndeý, abattandyrý, kógaldandyrý jáne turǵyn úı qurylysy boıynsha aýqymdy jumys júrgizildi. Aqtóbe qalasynyń avtokólik joldarynyń jalpy uzyndyǵy – 651 shaqyrym, onyń 300 shaqyrymy asfaltbetonmen tóselip, 115 nysan jóndeldi. Bıyl 12 nysannyń jolyn ortasha jóndeý, Raýan, Qyzyljar-3 aýyldaryndaǵy joldardy salý, Tájibaev kóshesindegi kópir ótkelin jańartý josparlanǵan. Sondaı aq, Batys -2 shaǵyn aýdanyndaǵy Táýelsizdik dańǵyly boıynyń jolyn qalpyna keltirý jobasy júzege asyrylady.
«2020 jyly sońǵy 30-40 jylda birinshi ret Shanhaı, Turǵyn úı qalashyǵy aýdandarynda, 8 shaǵyn aýdanda, qalanyń kóne bóliginde aýlasy bar aýmaqtar jóndelip, asfalt tóseldi. Óńir basshysynyń tikeleı tapsyrmasymen bıyl bul baǵyttaǵy jumys jalǵasyp, 230 aýlaǵa asfalt tóseledi. 45 myń sharshy shaqyrym alańǵa gúl men jasyl jelek, sonyń ishinde 28 myń shaqyrymǵa kópjyldyq ósimdik egiledi. 200 aýlaǵa balalardyń oıyn kesheni ornatylyp, qala men qalaǵa jaqyn eldimekenderge taǵy 10 úlken balalar alańy salynady. Byltyr 50 myń shaqyrym alańǵa jaıaýjol tóselse, bıyl qalanyń eski bóligindegi, M.Ospanov, aǵaıyndy Jubanovtar kóshelerindegi, Qarǵaly turǵyn úı alabyndaǵy jáne t.b. aýdandardaǵy júrginshiler joly jańartylady», - dep habarlady oblys ákiminiń baspasóz qyzmetinen.
Jaryqty únemdeý baǵdarlamasy aıasynda 350 kóshedegi eskirgen temirbeton tirek pen shamdardy almastyrý, shekti zııandy zattardy ólshep, baqylap otyratyn ekologııalyq datchık ornatý qarastyrylǵan. Injenerlik kommýnıkatsııamen qamtamasyz etý maqsatynda gazben jáne energııamen jabdyqtaıtyn jeli salý, tórt turǵyn úı alabyn sýmen jabdyqtaý josparlanǵan. Jalpy alǵanda 18 joba ázirlendi.
«2021 jyly «Nur Aqtóbe» shaǵyn aýdanyndaǵy №27 toǵyz qabatty úı paıdalanýǵa berilmek. Jańaqonys aýylynda 140 páterli jataqhananyń, «Nur Aqtóbe» shaǵyn aýdanynyń №3, 4 móltek aýdandaryndaǵy jalǵa beriletin eki turǵyn úıdiń, sonymen qatar, oblıgatsııalyq qaryz esebinen №3 shaǵyn aýdanyndaǵy toǵyzqabatty bes úıdiń qurylysy josparlanǵan.
Osy jyldyń sońyna deıin 85,7 myń sharshy metr turǵyn úı paıdalanýǵa beriletin bolady. Úı kezeginde turǵandar úshin «Nur Aqtóbeniń» №3, 4 móltek aýdandaryndaǵy alańy 58 myń sharshy metr bolatyn nemese 1188 páteri bar №12, 15, 17, 18 úılerdi salý josparlanyp otyr», - dedi habarlady oblys ákiminiń baspasóz qyzmeti.
Qalada 3 dene shynyqtyrý-saýyqtyrý kesheniniń jobalyq-smetalyq qujatyn ázirleý aıaqtalady. ıAsnyı, Sazdy aýyldary men Nur Aqtóbe turǵyn úı alabynda dene shynyqtyrý-saýyqtyrý kesheniniń qurylysy bastaldy.
