Aqtóbe qalasynda balalarǵa arnalǵan 50 oıyn alańy salynady
Oblys ákimdiginde Aqtóbe qalasynyń 2022 jylǵa arnalǵan damý jospary talqylandy. Oblys ákimi Ońdasyn Orazalınniń tóraǵalyǵymen ótken jıynda bıyl júzege asyrylady dep josparlanǵan Aqtóbe qalasyn abattandyrý jáne ınjenerlik - kommýnıkatsııalyq ınfraqurylymdy damytý jobalary qaraldy.
Jıynǵa Aqtóbe qalasynyń ákimi Ashat Shaharov, qala ákiminiń orynbasarlary jáne jaýapty sala basshylary qatysty.
Baıandamada keltirilgen málimetke súıensek, bıyl Aqtóbede balalarǵa arnalǵan 50 oıyn alańyn, dál sondaı kólemde vorkaýt, bes fýtbol jáne basketbol alańyn salý josparlandy. Saıabaqtar men skverlerdi abattandyrý, eski úılerdi jańǵyrtý, kópqabatty úılerdiń aýlalaryn jaryqtandyrý jáne asfalttaý boıynsha aýqymdy jumystar jalǵasady. Budan basqa eskirgen 1500 shamdy energııa únemdeıtin dıotty shamǵa almastyrý kózdelgen.
Jıyndy qorytyndylaǵan oblys ákimi osy jobalardyń bári oblys ortalyǵynyń turmysyn jaqsartýda, aqtóbelikterdiń ómir sapasyn kóterýde mańyzy zor ekenin atap ótti.
Óńir basshysy jumystardy bekitilgen merzimde sapaly oryndaýdy tapsyrdy.
