Aqtóbe qalasyn 23 sektorǵa bólý úshin karta ázirlenip jatyr
AQTÓBE. QazAqparat - Aqtóbe qalasynda zalalsyzdandyrý jumystaryna 42 mıllıon teńge bólindi. Sonymen qatar qalany 23 sektorǵa bólý úshin arnaıy karta ázirlenedi, dep habarlaıdy QazAqparat tilshisi.
«Aqtóbe qalasyndaǵy 23 sektor quramynda memlekettik mekeme ókilderi bar. Sonymen qatar qala ákiminiń barlyq orynbasary, qalalyq máslıhat hatshysy qadaǵalaıdy. Bárin ózim baqylap otyramyn. Kúnine eki ret, tańerteń jáne keshke oblys ákimine esep beriledi. Qajet bolǵan jaǵdaıda turǵyndarǵa aqparat osy sektorlar arqyly taratylady. Áleýmettik jelide sektorlar týraly aqparat taratylady. Kartasy da jasalýda. Jaýapty memlekettik qyzmetkerleriniń telefony jazýly bolady. Munyń bári saqtyq sharasy. Tek karantın jarııalanǵan kezde osy tártippen jumys isteımiz», - dedi Aqtóbe qalasynyń ákimi Ashat Shaharov.
Aıta keteıik, betperde áleýmettik jaǵynan az qamtylǵan otbasylarǵa tegin beriledi. Sonymen qatar maskany qoldaný, joıý nusqamasy taratylady.
Qazir oblysta barlyǵy 19 blok beket ázirlendi. Onyń jeteýi magıstraldi, 12-i qalaishilik. Ázirge bul daıyndyq jumystary ǵana.
