Aqtóbe qalasy bıýdjetiniń kiris bóliginiń jospary 100,9 paıyzǵa oryndaldy
«Aqtóbe qalasynyń ekonomıka jáne qarjy bólimi» MM-niń basshysy Qalıma Іzbastenovanyń sózine qaraǵanda, 2012 jylǵa qalalyq bıýdjettiń kiris bóligi 13 mlrd. 928 mln. teńge somasynda bekitildi. Aǵymdaǵy jyldyń birinshi toqsanynda qalalyq bıýdjettiń kirisine 6,9 mlrd. teńge tústi, bul boljamnyń 100,9 paıyzyn quraıdy. Jospardan artyq 61,7 mln. teńge tústi.
Bıýdjettiń kiris bóliginiń naqtylanǵan jospary birinshi toqsanda 16,6 mlrd. teńge mólsherinde tolyǵymen qamtyldy, onyń ishinde transfertter men respýblıkalyq bıýdjetten bólingen 4,2 mlrd. teńge jáne oblystyq bıýdjetten 3,3 mlrd. teńge somasynda qarajat bar.
Bıýdjettik qarajattardyń tolyq ıgerilýin qamtamasyz etý, tenderlerdi ýaqytyly jarııalaý, memlekettik satyp alýlardy ótkizýde zańnamalardy saqtaý, josparlanǵan is-sharalardyń júzege asyrylýyn qadaǵalaý boıynsha bıýdjettik baǵdarlamalardyń jetekshilerine birqatar naqty tapsyrmalar júktedi.