Aqtóbe qalasy ákiminiń burynǵy orynbasary para aldy dep aıyptalyp otyr

AQTÓBE. QazAqparat - Aqtóbe qalasy ákiminiń burynǵy orynbasary asa aýyr jemqorlyq qylmysyn jasady degen kúdikke ilindi, dep habarlaıdy QazAqparat Sybaılas jemqorlyqqa qarsy is-qımyl agenttigine silteme jasap.

Sybaılas jemqorlyqqa qarsy qyzmet Aqtóbe qalasy ákiminiń burynǵy orynbasary men JShS ókiline qatysty tergeýdi bastady.

Sheneýnik atalǵan JShS ókilinen qala aýmaǵyn abattandyrý boıynsha jasalǵan kelisim somasynan 100 mln teńge kóleminde para alǵan.

Ol osy para arqyly 2020 jylǵy tenderde qamqorlyq kórsetýge tıis bolǵan.

Tergeý jalǵasyp jatyr. Budan basqa málimet jarııa etilmeıdi.

«Aıyptylardyń kinásine qatysty túpkilikti sheshimdi sot shyǵarady» delingen habarlamada.