Aqtóbe qalasynyń mańaıyndaǵy jaıylym karantınge jabylady
Aqtóbe qalasynyń mańaıynda ornalasqan jaıylymdaǵy usaq maldardan kúl aýrýy anyqtaldy, dep habarlaıdy QazAqparat tilshisi.
«Usaq múıizdi qara maldardyń arasynda kúl aýrýynyń anyqtalýyna baılanysty, Aqtóbe qalasy «Almaty» aýdanynyń «Sadovoe» turǵyn úı alabyna qarasty, Batysqa qaraı jolda Qarǵaly ózeninen 3 shaqyrym qashyqtyqta ornalasqan jazǵy jaıylymdaǵy otarlar aýmaǵynda karantın belgilensin», - delingen Ashyq NQA portalynda jarııalanǵan Aqtóbe qalasy ákimdiginiń qaýly-jobasynda.
Qosa ketsek, buǵan deıin Aqtóbe oblysynyń Qobda aýdanyna qarasty Jamankól aýylynyń turǵynyn qutyrǵan túlki talap, eldi mekenge karantın engizildi.
Sondaı-aq, Aqmola oblysyndaǵy Úshqarasý aýylynda mal qyrylyp, adamdar túınememen aýrýhanaǵa jatqyzyldy. Al eldi meken karantınge jabyldy.