Aqtóbe qalasynda jylý maýsymynyń merzimi uzartyldy
AQTÓBE. KAZINFORM – Qalada jylý 20 sáýirden bastap sóndiriledi. Negizi búginnen bastap ajyratylýy tıis edi.
«Aqtobe su-energy group» AQ-y áleýmettik jelidegi resmı paraqshasy arqyly qalada jylytý maýsymy 20 sáýirge deıin uzartylǵanyn habarlady.
– «Qazgıdromet» RMK usynǵan aýa raıy boljamyna sáıkes aldaǵy kúnderi aýa temperatýrasy tómendeıdi. Osyǵan baılanysty Aqtóbe qalasynda 2025-2026 jylǵy jylytý maýsymyn 20 sáýirge deıin uzartý týraly sheshim qabyldandy. Bul shara turǵyndardyń jaılylyǵyn qamtamasyz etý, sondaı-aq áleýmettik nysandarda qolaıly temperatýralyq rejımdi saqtaý maqsatynda qabyldandy. Turǵyn úılerge, qoǵamdyq ǵımarattarǵa jáne áleýmettik nysandarǵa jylý 20 sáýirge deıin berildi, - dep jazdy habarlamada.
Buǵan deıin habarlaǵanymyzdaı, qala ákiminiń qaýlysy boıynsha jylytý maýsymy 1 qazannan bastaldy. Turǵyn úıler men ǵımarattarda, mektepterde 199 táýlikke, medıtsınalyq jáne mektepke deıingi uıymdarda 210 táýlikke deıin sozylýy tıis boldy.
