Aqtóbe qalasynda jylytý maýsymy bastaldy

AQTÓBE. KAZINFORM - Aqtóbe qalasynda jylytý maýsymy bastaldy. Áleýmettik nysandarmen qatar turǵyn úılerge de jylý berilip jatyr. 

Aqtóbe qalasyn jylýmen qamtamasyz etetin Aqtóbe jylý ortalyǵy men «Aqtobe su-energy group» AQ-y jylytý maýsymynyń bastalǵanyn habarlady. 

- Jylý kameralaryndaǵy barlyq klapandar ashyq jáne jylý barlyq úılerge berildi. Páterlerge tikeleı jylý berý úshin ǵımarat ishindegi júıeni retteý qajet. Úı ishindegi ysyrmalardy PIK nemese kondomınıým sııaqty jergilikti basqarý ókiliniń jaýaptylary ashýy tıis. Barlyq qajetti jumystardyń oryndalǵanyna kóz jetkizý úshin olarmen baılanysýdy suraımyz. Úıde jylýdyń durys aınalymyn qamtamasyz etý úshin joǵarǵy qabattardan aýany shyǵarý kerek. Bul júıeniń sý aınalymyn jaqsartady jáne birkelki jylytýǵa múmkindik beredi,- dep habarlady «Aqtobe su-energy group» AQ-y.

Eske salsaq, Aqtóbe oblysy boıynsha turǵyndarǵa 21 500 tonna kómir qajet bolsa, onyń 3 250 tonnasy temirjol tuıyǵynda bar. Al mektep pen densaýlyq saqtaý mekemelerine qajetti 26 myń tonnadan astam qatty otyn tolyq jetkizildi.