Aqtóbe qalasynda tótenshe jaǵdaı jarııalandy

AQTÓBE. KAZINFORM — Aqtóbe qalasynda da tótenshe jaǵdaı jarııalandy.

Aqtóbe qalasynyń ákimi Azamat Beket oblys ortalyǵynda tótenshe jaǵdaı jarııalanǵanyn habarlady.

— Búgin Aqtóbe qalasynda tótenshe jaǵdaı jarııalap otyrmyz. Sý tasqyny — tabıǵı qubylys. Ony tejeý ońaı bolmaı jatqany ras. Aqtóbe sý qoımasynda bolǵan sýdyń kólemi bir táýliktiń ishinde 150 mıllıon tekshe metrge kóbeıdi. Sý qoımasy mundaı kólemdi sýdy syıǵyza almaıdy. ıAǵnı, qalaǵa túgel qaýip tónip tur. Sondyqtan, biz sýdy jiberip otyrýǵa májbúrmiz. Elek ózeniniń boıynda ornalasqan jáne Qarǵaly ózeniniń Kirpishti kópirine jaqyn ornalasqan baý-baqsha ujymdarynyń turǵyndaryn evakýatsııaǵa kelisim berip, úılerińizdi bosatýlaryńyzdy suraımyn.Biz úshin sizderdiń ómirlerińiz óte mańyzdy. Ózderińiz bilesizder naýryzdyń 26-sy kúni qala aýmaǵynda kúnniń kúrt jylynýyna baılanysty dala sýlary kóterildi. Birneshe turǵyn alaptar men baý-baqsha ujymdaryna qaýip tóndi, — dep habarlady qala ákimi Azamat Beket.

Aıta keteıik, qazirgi kezde qalada 73 úıge sý kirdi. Buǵan deıin Qobda, Muǵaljar, Temir aýdandarynda tótenshe jaǵdaı jarııalandy.