Aqtóbe qalasynda páter kezeginde turǵan bir top adam baspanaly boldy

Aqtóbe qalasynda búgin saltanatty túrde 15 otbasy baspanaly boldy. Negizi 9 qabatty úıdegi 265 páterdiń bári birneshe jyl boıy kezekte turǵyn adamdarǵa beriledi, dep habarlaıdy Kazinform.

Eset batyr turǵyn alabynda qoldanysqa berilgen 9 qabat úıdiń 15 páterine muqtaj otbasylar ornalasty.

- Jetimder sanaty boıynsha kezekke 2009 jyly turdym. Otbasylymyn, úsh balam bar. Bul meniń 14 jyldan beri kútken qýanyshym, - dedi qala turǵyny Janargúl Imanbaeva.

Páter kiltin aqtóbelikterge qala ákimi Azamat Beket birdi. Ol barshany Respýblıka kúnimen quttyqtady.

- 1990 jyly 25-qazanda deklaratsııaǵa qol qoıylyp, táýelsiz elimiz damý jolyna tústi. Sodan beri kóptegen is atqarylyp jatyr. Sonyń bir kórinisi – turǵyn úı qurylysy, azamattardy baspanamen qamtý isi. Búgin 265 páterdiń kilti tabystaý bastaldy. Bıylǵa 624 páter beriledi, - dedi Aqtóbe qalasynyń ákimi Azamat Beket.

Qalada sońǵy 3 jylda 210 páter berilgen. Onyń ishinde 54 páter kópbalalaly otbasylarǵa, 31 páter jetim balalarǵa, 24 páter І, ІІ top múgedektigi bar azamattarǵa, 15 páter múgedektigi bar balany tárbıelep otyrǵan otbasyna, 27 páter soǵys ardagerlerine teńestirilgen azamattarǵa, 8 páter zeınetkerlerge, 47 páter tolyq emes otbasylarǵa berildi.