Aqtóbe qalasynda qurylysy aıaqtalmaǵan 8 turǵyn úı qańyrap bos tur
AQTÓBE. KAZINFORM – Bos turǵan úı ıeleri múlikti bankke kepilge qoıǵan, is sotta. Al apatty dep tanylyp, turǵyndary kóshirilgen bir úı jyl sońyna deıin súriledi.
Aqtóbe qalasy ákiminiń baspasóz qyzmetiniń habarlaýynsha, 2021–2025 jyldar aralyǵynda apatty dep tanylǵan 10 turǵyn úı satyp alyndy. Al olardyń turǵyndaryna ótemaqy tólendi.
— Bul úıler uzaq ýaqyt boıy bos turǵan bolatyn. Búgingi tańda olardyń 9-y súrildi, qalǵan 1 úıdi jyl sońyna deıin buzý josparlanyp otyr. Sonymen qatar, qala aýmaǵynda qurylysy aıaqtalmaǵan 8 turǵyn úı bos tur. Bári jeke. Bul nysandardyń zańdy menshik ıeleri bar. Menshik ıeleriniń málimetinshe, sot protsesteri men múliktiń bankke kepilge qoıylýy sııaqty quqyqtyq máselelerge baılanysty qurylysty aıaqtaýǵa nemese nysandardy demontajdaýǵa múmkindik ala almaı otyr. Qalalyq sáýlet jáne qala qurylysy bólimi atalǵan nysandardyń menshik ıelerine aýmaqty qorshaý jóninde talap qoıdy. Sonymen qatar, bul nysandar boıynsha aqparat quqyq qorǵaý organdaryna, onyń ishinde polıtsııa men prokýratýraǵa joldanyp, másele olardyń baqylaýyna alyndy, — dep habarlady Aqtóbe qalasy ákiminiń baspasóz qyzmeti.
Buǵan deıin habarlaǵanymyzdaı, Aqtóbe prokýratýrasy qańyrap bos turǵan ǵımarattardy qorshaýdy mindettedi. Alǵashqy kezde prokýrorlar 26 nysandy anyqtaǵan.
