Aqtóbe qalasynda halyq sany 600 myńǵa jetti
AQTÓBE. KAZINFORM — Bul týraly QR Ulttyq statıstıka bıýrosy Aqtóbe oblystyq departamentiniń basshysy Aıbek Ǵalymjanov habarlady. Al oblys halqynyń sany 956 myńnan asqan.
QR Ulttyq statıstıka bıýrosy Aqtóbe oblysy boıynsha departamentiniń basshysy Aıbek Ǵalymjanovtyń aıtýynsha, 2026 jyldyń 1 naýryzynda oblys halqynyń sany 956,8 myń adamdy qurady. Al Aqtóbe qalasy halqynyń sany 600 myń adamǵa jetti.
— Halyqtyń resmı sany demografııalyq ádisnamaǵa sáıkes qalyptastyrylady.
Aqtóbe qalasynyń 600 myńynshy turǵyny demografııalyq ádisnamalyq túsiniktemege súıene otyryp anyqtaldy. 600 myńynshy turǵyndy anyqtaý úshin 2026 jyldyń 1 aqpanyndaǵy halyq sanyna kún saıynǵy dúnıege kelgen náreste men kóship kelgenderdi qosyp, qaıtys bolǵandar men kóship ketkenderdi shegerip, 600 myńynshy turǵyn ómirge kelgen kún anyqtaldy. Sodan keıin sol kúni bolǵan týý, qaıtys bolý, kóship kelý, kóship ketý oqıǵalaryn saǵat saıyn sanap, eń jaqyn ýaqytta dýnıege kelgen 1 bala anyqtaldy, — dedi Aıbek Ǵalymjanov.
Eske salsaq, 2021 jyly óńir halqynyń sany 8,3 myńǵa artyp, 900 myńnan asty. Óńirde tabıǵı ósim baıqaldy.