Aqtóbe qalasynda «Ekogaz» gaz quıý beketi jaryldy
AQTÓBE. KAZINFORM - Oqıǵa tańda tirkeldi. Aldymen gaz quıý beketi janyp, keıin joıqyn jarylys boldy. Qazir bul baǵyttaǵy jol jabyq tur.
Aqtóbe qalasy Kirpishti turǵyn alabynda boldy.
- Tótenshe jaǵdaılar departamentiniń kúshteri men quraldary jedel jetip, órtti sóndirý jumystaryna kiristi. Órt sóndirýshilerdiń úılesimdi is-qımyldarynyń arqasynda órt tolyqtaı sóndirildi. Oqıǵa saldarynan ekinshi jerústi tsısterna, gaz tasymaldaýshy avtokólik jáne operatorlyq bólme órtendi. Qaza tapqandar men zardap shekkender joq. Oqıǵanyń sebebi anyqtalyp jatyr,- dep habarlady oblystyq TJD baspasóz qyzmeti.
Aıta keteıik, órtti sóndirýge TJD, JQJ jáne TJM Apattar medıtsınasy ortalyǵynyń shamamen 60 qyzmetkeri men 16 tehnıkasy jumyldyryldy.
Buǵan deıin habarlaǵanymyzdaı, Óskemendegi óndiristik angar órtendi, zardap shekkender bar.
