Aqtóbe qalasy ákimdigi árqaısysy 126 mln teńge turatyn tehnıka satyp almaq

AQTÓBE. KAZINFORM – Aqtóbe qalasynyń ákimdigi kóshe sypyratyn, shańyn basý úshin sý shashatyn birneshe tehnıkany lızıngke satyp alady. Qazirgi kezde Memlekettik satyp alý konkýrsy jarııalandy.

коммуналдық техника
Фото: Алматы әкімдігі

Memlekettik satyp alý portalynda 17 dana ED500K kópfýnktsııaly tehnıkasyn satyp alý konkýrsy jarııalandy. Lızıng boıynsha syıaqy mólsherlemesi jyldyq 13,5 paıyzdan aspaıdy. Lızıng 60 aıǵa eseptelgen. Ákimdik jylyna bir ret 1 jeltoqsanda tólem jasap otyrady.

Tehnıkalyq negizdemege súıensek, qusymsha qun salyǵynsyz (QQS) bir tehnıka quny 126 430 000 teńge dep kórsetilgen. 17 tehnıka úshin 2 149 310 000 teńge qarastyrylady. Syıaqysyna 909 158 130 teńge qosa eseptelip, barlyǵy QQS-syz 3 058 468 130 teńgeden aspaýy tıis.

Sonymen birge MV-11 avtotsısternasynyń 5 danasyna tapsyrys berip otyr. KamAZ 53605 shassıindegi vakýýmdy avtomobıldiń (MV-11) ár danasy 59 mln 600 myń teńge dep eseptelgen. Jalpy somasy - 298 800 000 teńge. Lızıngke alǵan kezde syıaqysy QQS-syz 126 054 000 teńge bolady. Nátıjesinde ákimdik 424 054 000 teńge tólýge ázir.

Taǵy bir konkýrsta aýyz sý tasymaldaıtyn avtotsısternaǵa tapsyrys berdi. Tehnıka quny 53 800 000 teńge bolsa, syıaqyǵa 22 757 400 teńge qarastyrylyp, avtotsısterna QQS-syz 76 557 400 teńgege esepteldi.

Aqtóbe qalalyq turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bólimi KamAZ 53605 vakýýmdy sypyrý mashınasyn (shańsorǵysh) da satyp alady. Árqaısysyn 104 500 000 teńge dep eseptep, lızıngke QQS-syz 522 500 000 teńge shyǵaryp otyr.

Sonymen birge portalda kóshe sypyratyn shaǵyn ERDEMLI HIVAC 4020 tehnıkasyna konkýrs jarııalanyp, 15 danasyna tapsyrys berilgenimen, keıin qujatqa túzetý engizildi. Munda ár tehnıka quny 76 mln teńgeden asady. Alaıda 1,4 mlrd teńgeniń konkýrsy ótpeı qaldy.

Aqtóbe qalasy ákiminiń baspasóz qyzmeti bolsa, tehnıkaǵa ázir aqsha bólinbegenin aıtty.

- Ótken jyly bıýdjet esebinen arnaıy tehnıkalar alynyp, «ATK qyzmet» JShS-ǵa berildi. Bıyl tehnıka alýǵa bıýdjetten ázirge qarajat bólingen joq. Qala joldaryn kútip ustaýmen aınalysatyn merdiger uıymdarǵa tehnıka parkin kóbeıtý talap etilýde,- dedi Aqtóbe qalasy ákiminiń baspasóz hatshysy Aıgúl Baımenova.

Eske salsaq, byltyr Aqtóbe qalasyndaǵy halyqaralyq áýejaı mańyna «qaǵaz ushaq» tárizdi shaǵyn sáýlet músini qoıyldy. Bul úshin bıýdjetten 24 mln teńge jumsaldy.

 

Сейчас читают