Aqtóbe qalalyq polıtsııa bóliminiń eks-bastyǵy alaıaqtyǵy úshin sottaldy

AQTÓBE. QazAqparat – Aqtóbe qalalyq polıtsııa bóliminiń eks-bastyǵy E.Eshmuhanov alaıaqtyǵy úshin sottaldy. Ol polıtsııada qyzmet etý quqyǵynan ómir boıyna aıyryldy. Sonymen birge 2 mln teńge aıyppul tóleıdi, dep habarlaıdy QazAqparat tilshisi.

Aqtóbe qalalyq polıtsııa bóliminiń eks-bastyǵy E.Eshmuhanov bıyl ustaldy. Іs materıalyna súıensek, burynǵy polıtsııa qyzmetkeri Q. Álıev jábirlenýshini paıdalanyp, E.Eshmuhanovqa para berýge kóndiredi.

Bıyl 28 naýryz ben 3 sáýir kúnderi aralyǵynda sottalýshy Q. Álıev jábirlenýshiniń senimine kirip, birneshe ret kezdesedi. Sóıtip jábirlenýshiden 450 myń teńge alyp, qylmystyq qýdalaýdy toqtatýǵa ýáde beredi.

Al 3 sáýir kúni Aqtóbe qalalyq polıtsııa bóliminiń bastyǵy qyzmetin atqarǵan E.Eshmuhanov áriptesi Q.Álıevpen jeke kezdesip, 200 myń teńgeni alady. Sot otyrysy kezinde sottalýshylar ózine taǵylǵan aıypty moıyndady. Sondyqtan sot úkimi kezinde kináni moıyndaǵany, kámelet jasqa tolmaǵan balalary eskerildi.

«Sot E.Eshmuhanovty aıypty dep tanyp, 2 mln teńge aıyppul saldy. Ol ómir boıy memlekettik qyzmette jumys isteı almaıdy. Sonymen birge polıtsııa polkovnıgi sheninen aıyryldy. Q. Álıev te aıypty dep tanyldy. Ol shyǵyndy 20 ese kólemde qaıtarady. ıAǵnı, 9 mln teńge aıyppul salyndy. Ómir boıy memlekettik qyzmette jumys isteı almaıdy», - dep habarlady №2 qalalyq sottyń baspasóz qyzmeti.

Sot úkimi zańdy kúshine engen joq.