Aqtóbe qalalyq əkimdiginiń kúzetshisi óz-ózine qol saldy
AQTÓBE.QazAqparat - Aqtóbe oblystyq mamandandyrylǵan kúzet qyzmetiniń ınspektory Baıbek Qarymsaqov jumys ýaqytynda óz-ózine qol jumsady. Ol qyzmettik tapanshasymen basynan atqan, dep habarlaıdy QazAqparat tilshisi.
Aqtóbe qalalyq əkimdigindegi oqıǵa keshe keshkisin tirkeldi. Jumys ýaqytynda kúzet qyzmetkeri tapanshasymen ózin basynan atqan. 35 jastaǵy qyzmetker oqıǵa ornynda qaza boldy.
«Baıbek Qarymsaqov 7 jyldan beri kúzette jumys isteıdi. Onyń eki balasy bar, əıeli úshinshisine júkti. Kishi leıtenant Yrǵyz aýdanynyń týmasy»,- dedi Aqtóbe oblystyq mamandandyrylǵan kúzet basqarmasynyń orynbasary Rýslan Mahanov.
Aıta keteıik, osy oqıǵaǵa baılanysty qylmystyq is qozǵaldy. Tergeý júrip jatyr. Kúzet qyzmetkeri PM-9mm qarýyn qoldanǵan.
