Aqtóbe ınvestorlar úshin bar jaǵdaıdy jasaıdy - Ońdasyn Orazalın

Jıynda jergilikti jáne sheteldik ınvestorlardyń usynystary men suraqtary talqylandy.

Oblys ákimi Ońdasyn Orazalın óz sózinde «Aqtóbe - adaldyq alańy» jobalyq keńsesiniń bıznes-ortadaǵy turmystyq sybaılas jemqorlyqty joıý boıynsha oń jumysyn atap ótti.
«Jaqynda Prezıdent Qasym-Jomart Toqaevtyń tóraǵalyǵymen Úkimette keńeıtilgen otyrys ótti. Memleket basshysy ekonomıka sektoryna ınvestıtsııany tartý jumystary jergilikti bıliktiń erekshe basymdyǵy bolyp tabylatynyn atap ótti. Osyǵan baılanysty biz »Aqtóbe - adaldyq alańy« jobalyq ofısiniń alańynda kúsh-jigerimizdi biriktirip, ınvestorlardyń jumysyna qolaıly jaǵdaı jasaýymyz qajet», - dedi óńir basshysy.
Birinshi jartyjyldyqtyń qorytyndysy boıynsha óńirge 210 mlrd teńge ınvestıtsııa quıyldy. Bıyl óńir ekonomıkasyna 620 mlrd teńge tartý kózdelip otyr. Bul kórsetkish 2018 jylǵy deńgeıden 10% - ǵa artyq.
Joba jetekshisi - sybaılas jemqorlyqqa qarsy is-qımyl agenttiginiń Aqtóbe oblysy boıynsha departamentiniń basshysy Mırlan Muhambetovtyń aıtýynsha, ınvestorlarǵa sybaılas jemqorlyqqa qarsy súıemeldeý kelisimi Qazaqstan aýmaǵynda sybaılas jemqorlyq kórinisterinen 100% qorǵaýǵa kepildik beredi. Al ınvestor óz kezeginde sybaılas jemqorlyqqa qarsy tózbeýshilikti saqtaýy qajet.

Esterińizge sala keteıik, «Protecting Business and Investments» jobasy bir jyl buryn bastalǵan bolatyn. Búginge deıin 24 sybaılas jemqorlyqqa qarsy kelisimge qol qoıyldy. Barlyǵy 4 trln 163 mlrd teńge qorǵalyp, 52 másele sheshildi.

Kezdesýge onlaın-konferentsııa arqyly qatysqan ıtalııalyq «Eni» transulttyq kompanııasynyń dırektory Aleks Stıllavato memlekettik saraptama qorytyndysyn alý protsesin jedeldetý túrinde kórsetilgen kómek úshin alǵysyn bildirdi. Іs-shara sońynda oblys ákimi tıisti memlekettik organdarǵa, «Aqtóbe »ÁKK «UK» AQ, «Kazakh Invest »UK« AQ Aqtóbe fılıalyna »Aqtóbe-adaldyq alańy« alańynda »Protecting Business and Investments« jobasy aıasynda ınvestıtsııalyq jobalardy kedergisiz júzege asyrýdy qamtamasyz etý týraly tapsyrma berdi.

Shara qorytyndysy boıynsha »Mıneralnye vody Kazahstana« JShS, »Qazaq-Bel Lıft« JShS, »Bayau Capital LLP« JShS, »Kazahstanskıı zavod neftıannogo oborýdovanııa« JShS »Protecting Business and Investments« jobasy aıasynda sybaılas jemqorlyqqa qarsy súıemeldeý týraly kelisimge qol qoıýǵa nıet bildirdi.